چیئرمین پاکستان کرکٹ بورڈ احسان مانی نے 6ماہ میں غیر ملکی دوروں سمیت دیگر معاملات میں کتنا پیسہ خرچ کیا ؟ تفصیلات جاری 1

چیئرمین پاکستان کرکٹ بورڈ احسان مانی نے 6ماہ میں غیر ملکی دوروں سمیت دیگر معاملات میں کتنا پیسہ خرچ کیا ؟ تفصیلات جاری

By

لاہور(ڈیلی پاکستان آن لائن ) پاکستان کرکٹ بورڈ (پی سی بی) نے چیئرمین احسان مانی کے چھ ماہ کے اخراجات کی تفصیلات جاری کردیں۔

پی سی بی کی جانب سے چیئرمین کی جانب سے کیے اخراجات کی تفصیلات اپنی ویب سائٹ پر جاری کی گئی ہیں جس کے مطابق انہوں  نے چھ ماہ کے دوران 57 لاکھ چھ ہزار 171 روپے خرچ کیے۔ان کے  ایک ماہ میں اوسط اخراجات نو لاکھ 51 ہزار روپے رہے ۔ احسان مانی کی رہائش کی مد میں 22 لاکھ دو  ہزار روپے  جبکہ گاڑی اور ڈرائیور کی مد میں پانچ لاکھ 29 ہزار روپے سے زائد خرچ ہوئے۔

چیئرمین پی سی بی  کے علاج کے اخراجات 81 ہزار 800 روپے رہے جبکہ انہوں نے  غیر ملکی دوروں پر 11 لاکھ 85 ہزار 600 روپے سے زائد  رقم خرچ کی۔ ان کے  اندرون ملک سفر پر نو لاکھ 67 ہزار روپے اور  سکیورٹی  اور ملازمین کی تنخواہوں کی مد میں تین لاکھ 49 ہزار روپے خرچ ہوئے۔

You may also like

%d bloggers like this: